Famosindro osali BNKP Jemaat Tuwuna, mo amakhaita ba mbua halöwö fanuriaigö turia somuso dödö nifalua sambua orahua Fanuriaigö RMG (Rheinische Missions Gesselschaft ) moroi ba Jerman, ba wamatenge Ernst Ludwing Denninger, samösa niha si no sekola sitama ba Bassel Seminarie ba Jerman. Ernst Ludwing Denninger möi ba danö niha, ba tohere ia ba Gunungsitoli me tanggal 27 – 09- 1865. Ba Gunungsitoli lafosindro sambua Losu nahia wanuriaigö taromali Lowalangi (Pos Penginjilan). Sifao fo ofanöi’ö inötö ba möi ira misa ba mbanua-mbanua si so ba danö niha.
Ba da’e mböröta wa’atohare duria somuso dödö ba mbanua Duwuna, irege mufosindro sambua gosali BNKP Jemaat Tuwuna.
Ba ndröfi 1920, börö wa’omasi ba fa’ebua dödö Lowalangi turia somuso dödö tohare ba mbanua Lologolu ni’ohe Dua Lagema (Tuan Lagema). Ba ginötö Dua Lagema wamörögö halöwö fanuriaigö ba I’a’asogö gangowuloa nifotöi SEKOLA WANGANDRÕ BONGI LUO (Kebaktian Penelaan Alkitab) sifao fombagi ba niha mbanua kefe, nukha, ba ifalua halöwö wama’ema taromali Lowalangi ni toloni Dua Ufe (Tuan Ufe) ba nomo zalawa (Kades) Ama Höwa. Ba wa’atedou lala halöwö fanuriaigö ba la’ehaogö sambua gosali ba Jemaat lölögolu si so ba mbanua Lölögolu Kecamatan Mandrehe.
Me mu angeraigö aröu nahia gosali moroi ba mbanua niha keriso siso ba mbanua Duwuna tebai lakhamö banua niha Keriso sino atua boto ma sino lumalö döfi ba we’amöi ba gosali ba Lologolu, indrege banua niha keriso siso ba Duwuna la angeraigö ba wangehaogö sambua gosali sifahatö ba nomo mbanua niha keriso siso ba Duwuna sitola lakhamö sino agatua boto.
Osali BNKP Jemaat Tuwuna lafosindro me 01-01-1979 nahia ba Hili Mangodo (Lingkungan I), ni Resimikö Pdt.Hamonaha Harefa. Osali siföföna ya iada’ö Losu me ba mböröta lafotoi Filial Tuwuna, ba meno ara ginötö ma’ifu ba ladou’ö wangehaogö osali (semi Permanen) sitola monahia mbanua niha Keriso 85 niha.
Sifao fa’atedou wa’oya mbanua niha keriso, ba ndröfi 1983, osali BNKP Tuwuna La’ehaogö wangotomosi moroi ba semen, sifao fanga’asogö baku-baku, kurusi ba meja soguna ba gosali.
Ba ndröfi 2005, itörö khöda siheu duru danö ba zisagörö tanö niha, ba zalua da’e osali BNKP Tuwuna oi agasila mba’a-ba’a lö sa’ae aro. Börö da’ö 3 fakhe mu’ofanöi’ö banua niha keriso lö aetu wamalua halöwö fasumangeta khö Lowalangi (Kebaktian) ba gosali BNKP Tuwuna he wa’ae no oya zagasila ba mba’a-ba’a gosali.
Ba ndröfi 2008 Majelis Jemaat la’angeraigö sifao famatunö gosali si so ba dete hili no ibörögö tekiko, ba simanö göi nahia gosali me badetehili tebai lakhamö ira satua si no atua boto, ba simanö göi la’angeraigö tebai irugi moto ba wamasao soguna ba bangunan gosali me badete hili. Börö da’ö Majelis Jemaat BNKP Tuwuna lahalö sambua wahasara dödö gangetula wa nahia Gosali BNKP Jemaat Tuwuna lafawu’a nahia ba zahatö bangai lala sebua Nahia Kabu A.Suka Zai (alm) (Lingkungan II), ba tebörögö te’oguna’ö tobali nahia wasumangeta khö Lowalangi (tempat Ibadah) me 25-12- 2013 irugi ma’ökhö.
So döi-döi Zinenge ba Fandrita si no erai mangai halöwö ba sangai nasa halöwö ba jemaat BNKP Tuwuna, ya’ia da’ö: